Son Beatriz, teño 41 anos e vivo no lugar de Emes, parroquia de San Xoán de Barcala. No concello da Baña.
Estudiei na facultade de ciencias da educación en Santiago e fixen auxiliar de clínica en Lamas de Abade por libre.
Diagnosticáronme trastorno bipolar con dezaoito anos, aínda que xa empezara a ter altibaixos arredor dos 14 anos.
Son a menor de tres irmás e pese a non conseguir ser o neno de meu pai, conseguín darlle o neno que sempre quixo. O meu fillo Álex converteuse en ámbalas dúas cousas para el, neto predilecto e fillo.